حنان ترك للفتاة المسحولة: أنتي مستورة في عيوننا

على الرغم من مرور فترة على انتشار الفيديو الشهير للفتاة المصرية غادة كمال التي تعرضت للسحل خلال أحداث مجلس الوزراء المصري بوسط القاهرة، إلا أن الفنانة المصرية حنان ترك بثت لها مؤخراً رسالة على صفحتها الخاصة بموقع التواصل الاجتماعي فيس بوك تؤازرها فيها.

حنان كتبت في رسالتها: «رسالة لأختي ضحية التحرير..ماتخفيش أنتي مستورة في عيوننا وقلوبنا، ماتخجليش من صورتك, اللي أتعرى مش جسمك صدقيني ماحدش ركز في جسمك, الكل ركز في الكلاب اللي اتلموا حواليكى, وقلوبنا قبل عيوننا ستراكى، أنتي أشرف من رأتها عيني..قلبي بجد معاكى».

الفنانة المحجبة دعت في رسالتها أيضاً جمهورها لمشاهدة الفيديو مرة أخرى مع التدقيق في مشاهد معينة ذكرتها قائلة:«يا ريت كلنا نشوف الفيديو ده ونشوف الراجل والست الكبار اللي ظهروا في الثانية ٣٤، الراجل لابس قميص أبيض، والست لابسة بلوزة حمراء».

ترك تابعت:«شوفوا العساكر والضباط عملوا فيهم إيه في الدقيقة الأولى والثانية ٤٢..الراجل والست رجعوا لإنقاذ البنت اللي بتنضرب، فتم الهجوم عليهم وضربهم هما كمان، ولم يشفع لهم سنهم أو إنهم مالهمش أي علاقة بالأحداث، الضرب بيحصل بوحشية، الجنود دول تم غسل دماغهم، مستحيل يكون اللي بيدرّبه بيقول له يضرب مصريين وظيفته حمايتهم وحماية أرضهم».