موسيقي: صوت ياسمينا غير حقيقي

أعرب الموسيقار المصري عمرو إسماعيل عن استيائه الشديد من الضجة التي حدثت حول صوت المتسابقة «ياسمينا» في برنامج «Arabs Got Talent».

عمرو قال: «لم تبهرني البنت المصرية ياسمين في برنامج Arabs got talent لسبب بسيط، إن ده صوت مستعار وغير حقيقي، البنت صوتها وهي بتتكلم والطبيعي مش كده».

الموسيقار المصري أضاف: «المشكلة إن البنت بتقلد وبتحاول تعرض صوتها وده مش صح، وواضح من صوتها الطبيعي إنها مش كده، الموضوع بسيط، اسمعي صوت أنغام أو أي مطربة محترمة تلاقي صوتها في الكلام هو صوتها في الغناء، محاولة تعريض الصوت وإخراجه بالشكل ده من بنت صغيرة معناه تدمير أحبالها الصوتية».

يُذكر أن ياسمينا حصلت علي تأييد شديد من لجنة التحكيم ومنحتها المطربة نجوى كرم «الباز الذهبي».