جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

حلم أحمد زكي الذي لم يحققه هو أو نجله هيثم

الاحد 10 نوفمبر 2019 | 01:43 صباحاً
القاهرة - Gololy
2005
حلم أحمد زكي الذي لم يحققه هو أو نجله هيثم

استعاد الإعلامي محمود سعد ذكرياته صداقته مع الفنان الراحل أحمد زكي، وأمنيته لنجله الفنان الراحل هيثم أحمد زكي، والذي رحل عن عالمنا يوم الخميس 7 نوفمبر عن عمر يناهز الـ 35 عامًا.

محمود سعد، قال خلال حلقة برنامج "باب الخلق"، والمذاع عبر فضائية "النهار": "أنا حسيت إن أحمد زكي، زعلان لوفاة هيثم ابنه لأنه لو كان موجود كان هيحب إن هيثم يكمل حياته ويتجوز وينجب ويعيش حياته".

وأضاف: "أحمد زكي كان دايما يقولي أنا عايز يهيثم يعيش اللي معرفتش أعيشه.. قالي أكتر شيء ندمان عليه من جوا قلبي إني طلقت هالة فؤاد، وكان دايما يقولي أنا نفسي الواد ده يعمل أسرة لأن أنا معرفتش أعمل أسرة، كان نفسي يبقى عندي 5 أو 6 عيال وأعمل بيت كبير وعيال كتير.. عشان كده ظنيت إن أحمد مش مبسوط إنه ينزل له هيثم في سنه ده".

وتابع: "التُربي "حارس المقابر" قال يظهر إن التربة دي مش هتتفتح تاني.. قالوا له ليه.. قاله ما هو أستاذ أحمد فيها وابنه نزل اهو مفيش حد تاني خلاص.. إخوات أحمد زكي غير الأشقاء من الزقازيق ومحدش هيبقا محتاج التربة دي تاني خلاص.. فكانت جملة مؤثرة جدا".

وأكد خلال الحلقة أن الفنان أحمد زكي، لم يكن مُكرما في حياته مثلما نفعل الآن عند الحديث عنه، بل عانى من الاضطهاد والظلم كثيرا.

واستطرد: "أحمد إيده كانت مخرومة ميعرفش حاجة خالص في الفلوس هو بيصرف وخلاص.. فجأة تلاقيه مديون وفجأة تلاقيه معاه، كنا نقوله اعمل حساب ابنك يقول يا عم سيبها على الله".

احمد زكي و ميرفت امين
هيثم احمد زكي
هيثم احمد زكي
احمد زكي
احمد زكي - الراقصة والطبال
احمد زكي