جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

مخرج كليب "راسمك في خيالي" يتهم شاكوش بالسرقة.. ماذا حدث؟

الثلاثاء 20 أكتوبر 2020 | 10:42 صباحاً
ندى عصام
1686
شاكوش وحماقي ومصطفى

عبر المخرج مصطفى عامر، عن استيائه الشديد بسبب سرقة فكرة فيديو كليب بسكوتاية مقرمشة"، من كليب "راسمك في خيالي" للمطرب محمد حماقي والذي تولى مهمة إخراجه واستطاع أن يلاقي نجاحًا.

وهاجم مصطفى مطرب المهرجانات حسن شاكوش، بسبب سرقة الفكرة، وكتب عبر صفحته الشخصية بموقع التواصل الاجتماعي "فيسبوك": "ده أكبر دليل إن اللي بيقدموه بعيد تمامًا عن الفن؛ لأنهم فقراء فن، وماعندهمش حاجة يقدموها، ودايمًا بيعتمدوا إنهم يسرقوا مجهود الفنانين الحقيقيين".

وأضاف:"والـ 4 دقايق اللي بتشوفوها كفيديو كليب؛ بياخد من أي مخرج وقت طويل، مثلا كليب راسمك في خيالي واخد مني تحضير أسابيع، وتفصيلة الإنترو لوحده واخد مني ومن اللي إشتغل عليه وقت طويل في التحضير، وتفصيلة الـ sound effect لوحدها واخدة تحضير؛ لإن فيه رسم الصوت على الخطوة، وحركة الإيد، وتفاصيل تاني كتير".

مصطفى عامر

وتابع:"فلما ييجي حد يريح نفسه على حساب تعبك ويسرق مجهودك؛ فدي حاجة فعلا تضايق، ومش عارف هنفضل لإمتى ساكتين على السرقة دي".

واختتم حديثه قائلًا:"والمفروض ان هما كمؤديين ما يسمى مهرجانات، بقى ليهم اسم وجمهور، المفروض يحترموهم ويحترموا المهنه وصُنَّاعها، لكن للأسف مش بيحترموا حد".

كليب "بسكوتايو مقرمشة" يجمع بين حس شاكوش وحمادة مجدي، وتخطى الفيديو عبر موقع الفيديوهات العالمي "يوتيوب" حاجز الـ5 مليون مشاهدة.