جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

هل يتسبب هجوم كاملة أبو ذكري في تغير عصابة بـ"100 وش" في الفيلم الجديد؟

الثلاثاء 24 نوفمبر 2020 | 03:09 مساءً
ندى عصام
960
عصابة بـ100 وش

حالة من الجدل أثيرت خلال الأسابيع الماضية بعد تصريحات المخرجة كاملة أبو ذكري، حول هجومها على عددًا من أبطال مسلسل بـ100 وش"، وبالتحديد 2 منهم دون الكشف عن أسمائهم.

وعلق منتج المسلسل جمال العدل على تصريحات كاملة، قائلة:"من ضمن ميزتها جايز وعيوبها أنها عفوية وفطرية وبتخرج باحساسها، هي لاحظت 2 ممثلين من الكرو وانا عن نفسي سمعت عن واحد منهم اشتكوا منه في السوق جدا والتاني عامل بنتها وصحابها بطريقة مش لطيفة".

وأضاف:"كسب الفلوس الكتير اي ان كان حدث كبير بيعمل حالة من حالات عدم الاتزان"، متابعًا:كاملة بنتي وانا والله ما قولتلها ليه عملتي كدة، وهي بعد كدة اعتذرت".

وبعد حالة الجدل التي أثيرت يطرح سؤالًا بأن هل من الممكن تتغير الأسماء في الفيلم المقرر التنفيذ له بعد تصريحات كاملة؟.

ومن هنا رد جمال العدل قائلًا:"لما الفيلم يتكتب هنشوف مين يبقى ليه دور نبتدي نعمله.. كل اللي أقدر أقوله أنه هيبقى بنفس العصابة".

وكانت المخرجة كاملة أبو ذكري، قد قدمت اعتذارها عما بدر منها، وكتبت عبر صفحتها الشخصية بموقع التواصل الاجتماعي "فيسبوك":"أحب اعترف إني انفعلت وكنت قاسية جدا في كلامي، ولو صدر تصرفات من شخص أو اتنين خلتني أحس بالغضب ده، ده ممكن يكون نابع من قلة الخبرة مع التعامل مع جمهور عريض، ومع النجاح الكبير وارد إن أي حد يتعرض للهزة دي.

وتابعت:"ولو كنت قاسية ده نابع من حبي ليهم وخوفي عليهم، علشان أنا شوفت حجم موهبتهم لما اشتغلت معاهم".

واختتمت حديثها قائلة:"وأتمنى إن الشخصين اللي كنت بعنيهم يفهموا كلامي، ويعرفوا إني مستخسرة موهبتهم، وأنا متأكدة إنهم هيفهموني لأنهم الاتنين دول تحديدًا عارفين أنا أد إيه بحبهم وبقدرهم".