جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بعد أزمته مع شيكابالا.. هنا الزاهد تدافع عن زوجها أحمد فهمي: بينسى إنه ممثل

الاثنين 30 نوفمبر 2020 | 09:57 صباحاً
سارة إبراهيم
1729
احمد فهمي وهنا الزاهد

دافعت الفنانة المصرية هنا الزاهد عن زوجها الفنان أحمد فهمي، وذلك بعد الهجوم الذي تعرض له، بعد إساءته للاعب نادي الزمالك شيكابالا.

هنا الزاهد كتبت، على حسابها الخاص على موقع "الفيس بوك": "بعيدًا إن شهادتي فيه مجروحة لأن الناس هتقول بقول الكلام ده عشان جوزها، أنا لا بفهم في الكورة ولا بتفرج عليها بس بشوف قد إيه الإنسان ده بيحب يكون عفوي وبينسى أنه ممثل".

وأضافت: "وبيتعامل مع كل الناس بكل ذوق حتى في الشارع وفي التصوير وفي كل مكان والناس اللي عرفاه عرفين ده كويس، أنا عارفة أنه الناس بتفضل تقول لا ده ممثل مينفعش يقول رأيه".

وتابعت: "بس للأسف الإنسان ده بينسى وبيخسر من كتر ما هو اللي فى قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده، لما بيكتب رأيه بيكتبوا على أكونت فيس بوك اللي في صحابه زيه زي أي حد أهلاوي بس للاسف بتطلع أخبار بالكلام اللي بيقولوا ".

واختتمت كلامها بقولها: "عموما أنا عايزة اقولك انك قلبك طيب وعفوي بزيادة و بتقول اللي جواك من غير متحسبها عشان بتنسى أنك ممثل أصلاً بس الأيام دي مينفعش تبقى كده للاسف، واعمل اللي يريحك لأنك إنسان وإحنا كده كده بنحبك جدا".

هنا الزاهد واحمد فهمي

وكان الفنان أحمد فهمي قد قرر الاعتذار لـ محمود عبدالرازق الشهير بـ"شيكابالا"، بسبب الفيديو المنتشر على مواقع التواصل الاجتماعي وظهر فيه جماهير النادي الأهلي يحتفلون بدوري أبطال أفريقيا وهم يحملون كلبًا أسود اللون، مشبهين إياه به.

وكتب فهمي عبر صفحته الشخصية بموقع التواصل الاجتماعي "فيسبوك": "رغم خلافى معاه الشديد، ومفيش صلح من بعيد ولا قريب بيني وبينه، لكن موضوع الكلب والفيديو ده حاجة عنصرية جداً الصراحة ومنظر بشع".

وأضاف: "احنا جمهور كبير ومحترم بنقول على الغلط غلط حتى لو طالع من عندنا، الاعتذار عن اللقطة دي واجب، بعتذرلك، لكن موقفى منك لن يتغير".

احمد فهمي

ولكن سرعان ما تراجع أحمد فهمي عن اعتذاره، بعدما نشر شيكابالا صورة له عبر خاصيةا لـ"ستوري" بموقع "انستجرام"، ظهر من خلالها وهو يرفع الحذاء لجمهور النادي الأهلي.

وكتب فهمي عبر حسابه بموقع فيسبوك":"أنا بسحب أي كلمة قلتها عنك فعلا.. الستوري بتاعته حالا.. حاجة تقرف..واللي مش عاجبه يشيلني من عنده".

وتابع:"الأهلي وجمهوره أسيادك.. وبعدين عيب تبقى ابن النادي الأهلي وماضي له قبل كدة وتعمل كدة.. فك كدة ماتبقاش نفسيتك أفشة يا نباطشي".

هنا الزاهد واحمد فهمي