جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بعد إلغاء التوكيلات.. شقيق هيثم أحمد زكي يكشف السبب: المحامي خدعني لأني مبعرفش أقرا عربي

الاثنين 30 نوفمبر 2020 | 10:05 صباحاً
ندى عصام
335
رامي بركات وهيثم احمد زكي

فاجئ رامي بركات الأخ غير الشقيق للفنان الشاب الراحل هيثم أحمد زكي، الجمهور بإعلانه إلغاء توكيلاته الصادرة للمحامي بلال عبد الغني.

وكتب بركات عبر صفحته الشخصية بموقع التواصل الاجتماعي "فيسبوك":"اعلان هام وتنبيه أعلن انا رامي عزالدين بركات اخو المرحوم هيثم احمد ذكي بان التوكيلات والتفويض الصادره مني للسيد/ بلال عبد الغني المحامي قد تم إلغاءها جميعا ولم يعد يمثلني قانونا. وهذا اقرار مني بذلك".

ووضح رامي السبب وراء ذلك، وفي مداخلة هاتفية مع الإعلامي وائل الإبراشي ببرنامج "التاسعة"، قال:"انا جيت مصر مش فاهم حاجة ورجعت لندن وجيت مصر تاني، وابتديت اشوف الحاجة اللي هيثم سابها، ولما روحت شقة الهرم لقيت الدنيا متبهدلة وكل حاجة مرمية ابتدينا نلم في الحاجة وننضف وبعدين نبيع الشقة وناخد المقتنيات ونحطها في المهندسين.. فلما اتحط قدامي عقد الشقة أنا مش بعرف أقرأ عربي وعمر ما اتعلمت اقرأ عربي وانا واثق في الاستاذ بلال وانا ماضي اني ابيع الشقة من غير المقتنيات واللي اكتشفته بعدين أنه باع من غير علمي".

وأضاف:"اكشتفت أن في لعبة وفي حاجة مش مظبوطة وان في لندن طول السنة مش عارف اجي هنا وبقول لنفسي اصبر شوية هتكشتف كل حاجة، فلما جيت هنا وروحنا المهندسين لقيتها فاضية خالص مفيش غير البلاط، اتصرف من غير ما يقول وبيطلع يقول حاجات على الميديا وانا معرفش ومكنتش فاهم الهجوم اللي عليا ده ليه بس فهمت".

وتابع:"قاعدت مع كريم سلامة نجل الفنانة منى عبد الغني، واكتشفت كل حاجة ان القضية اللي اترفعت عليه من غير اذني واتهمه بحاجات هو معملهاش وهو كان معايا جميل، وشقة الهرم اتفاجأت أنه باعها بالمقتنيات والمستندات والأوراق، روحت للنائب علاء عابد وهو ماشي في الاجراءات عشان يجبلي حقي ويرجعلي المقتنيات.. ارث احمد زكي الأدبي والمعنوي خده المحامي عنده ومش عايز يرجعهالي، وانا كنت عايز أدي المقتنيات لوزارة الثقافة".

واختتم حديثه بأنه حرر محضرًا بسبب استيلاء المحامي بلال عبد الغني على مقتنيات الشقة وبيعها، ولكنه لا يرد.