شاهد.. رامز أمير في عيد ميلاده: في اليوم ده بعمل قعدة بين اتنين.. من هما؟

احتفل الفنان الشاب رامز أمير بعيد ميلاده، والذي يوافق اليوم الثلاثاء 1 ديسمبر.

رامز امير نشر صورة مركبة له من صورتين واحدة حالية له، والثانية من مراهقته، وذلك على حسابه الخاص بموقع "انستجرام"، وعلق قائلا: "النهاردة عيد ميلادى واليوم ده بعمل فيه طقس مهم اوى عندى، لازم اعمل قعدة بين الاتنين دول".

وأضاف: "بسأل فيها الواد الصغير ده سؤال واحد بس: انت فخور بيا و لا لأ ؟.. دى اهم حاجة عندى، لازم اكون قد الحلم اللى حلمه وحملنى مسؤلية انى احققهوله، و الأهم أنى مخسروش و أنا بحقق الحلم ده ..أنا بقوله النهاردة : أنا على وعدى متقلقش ".

وكان الفنان المصري رامز أمير قد أثار جدلا كبيرا مؤخرا بتصرفاته على السجادة الحمراء، خلال حضوره حفل ختام مهرجان الجونة السينمائي.

الفنان المصري استعرض لياقته البدنية بحركة رياضية جيئة على السجادة الحمراء، وهو ما عرضه للكثير من الانتقادات من نشطاء مواقع التواصل الاجتماعي.

على جانب آخر رد رامز، على هذه الانتقادات بصورة لفنان أجنبي قام بعمل نفس الحركة على السجادة الحمراء أيضا، وعلق قائلا: "الصورة دى هى ردى الوحيد على كل اللى مش عاجبه اللى انا عملته ".

وأضاف، على حسابه على "انستجرام": "بفضل الله وحده فخور انى اول ممثل مصرى عربى يوصل للمستوى ده فى الباركور و التايكوندو بعد تعب سنين محدش يعرف عنه حاجة".