جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

عمر كمال يثير الجدل بصورة قبل الشهرة.. والفنان يرد على الساخرين: مش بتكسف

الاربعاء 02 ديسمبر 2020 | 04:40 مساءً
ندى عصام
1903
عمر كمال

شارك الفنان ومطرب المهرجانات عمر كمال، جمهوره بصورة قديمة قبل الشهرة ظهر فيها بوزن زائد، وتعرض بسببها للسخرية من قبل رواد مواقع التواصل الاجتماعي.

ونشر كمال صورتين الأولى قبل الشهرة والثانية الوقت الحالي، ورد على الساخرين من خلال صفحته الشخصية بموقع التواصل الاجتماعي "فيسبوك":"كل ما أحط بوست وممكن الناس تشوف بعنيها عشان محدش يقول ده بيحور وبيعمل بوست وتريند ألاقي ناس كتيرة حطالي صورتى اللي على اليمين في الكومنتات من باب السخرية.. حتى الصورة اللي منزلها لوالدتي وبعبر عن حبي ليها عشان عيد ميلادها منزلين الصورة من باب السخرية.. فعايز أرد عليهم وأقولهم والله الحمد لله على شكلي في جميع مراحل حياتي ودي حاجة أنا مش بتكسف منها و ادينى نزلت الصورة اهو للناس ف بوست عشان تشوفها ومش مكسوف .. والصورة اللي على اليمين دي لإنسان كان معندوش رفاهية إنه يروح للدكتور يتابع معاه رچيم أو يروح للچيم أو حتى عنده وقت يفكر في شكله.. إنسان كان كل همه يشوف السرير بعد يومه الطويل عشان يصحى ليوم تاني أصعب.. مش مهم كنت إيه المهم بقيت إيه"؟

وأضاف:"اشتغلت على نفسي وبكرم وفضل ربنا اشتغلت الحاجة اللي بحبها .. وركبت العربية اللي بحلم بيها.. وكونت نفسي.. وعملت وضع واسم لنفسي .. وربنا جعلني سبب في إنى شايل مسئولية ناس وفاتح بيوت ناس كتير من غير جنيه من بابي ومامي ولا مساعدة حد غير ربنا ثم دراعي.. أشك لو اأنت إنسان عندك حاجة مفيدة في حياتك تعملها او عندك هدف في حياتك إن يبقى عندك وقت تدور على صور حد وتسخر منه.. صدقني الحياة مفيهاش وقت تضيعه في الكلام ده شوف حاجة أفيد واعملها".

مؤخرا انتهى المطرب عمر كمال من تسجيل وتصوير كليب أغنيته الجديدة "غالي غالي".