جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

أبو الليف يرد على أيمن بهجت قمر: بلاش تستفزني أنا خالك وهما بيطبلولك

الخميس 17 ديسمبر 2020 | 11:58 صباحاً
ندى عصام
491
ابو الليف

قرر الفنان نادر أبو الليف، الرد على الشاعر الغنائي والسيناريست أيمن بهجت قمر، بعدما ألمح الأول عن تقصير أيمن في حقه في العمل.

وكتب أبو الليف عبر صفحته الشخصية بموقع التواصل الاجتماعي "فيسبوك":"إلى كل أحبابى وأصدقائى ومتابعينى وجمهورى، ابن أختى اللى أنا خاله الشاعر أيمن بهجت قمر بيستفزنى إنى اتكلم، وأنا عمال بقول إنه فى مقام ابنى وأنا اللى مربيه وأنا خاله وأنا الكبير وساكت، هقول حاجة واحدة فقط لا غير علشان الدنيا كلها تعرف وتفهم ومش هتكلم تانى".

وأضاف:"أفتكر مين أول واحد أخدك من إيدك معاه ودخلك استوديو وافتكر مين شجعك إنك تكتب، وافتكر مين اللى أخد منك وغنالك أول أغنية فى حياتك، وبرضه أنا خالك وأنا الكبير وربنا يكرمك ويوفقك ويباركلك ويفرحك بأولادك ويزيدك من نعيم الله، نجاحك نجاحى واللى بينى وبينك دم لازم تفهم كده، دا لو مش فاهم الدنيا متسابة ومش هناخد معانا غير عملنا فى دنيتنا".

ابو الليف

وتابع:"وكل المطبلاتية اللى بيطبلولك مش عايزين الخير ليك صدقنى اللى منك منك ربنا يوسع رزقك ويفرح قلبك بأولادك، ماتفرحش حد فينا لأنك بعيد عن الفن إنت غالى عندى ومش بقول كده علشان أى غرض أو هدف غير محبة والله، ده للتوضيح مش أكتر علشان بس الناس تعرف وتفهم الصح مين خدم مين ومين ساعد مين ومين قدم مين ومين قبل مين، ده طبعا للتفكر والتذكير فقط لاغير، ماكنتش حابب أفتح بقى قسما بالله وحياة أولادى، بس بجد أشكرك على وقوفك جنبى ومساعدتك ليا بقولها قصاد كل الدنيا شكرا".