جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بالفيديو.. بعد خلافه مع حمو بيكا.. عمر كمال يطرح برومو دويتو جديد مع أحمد شيبة

الخميس 17 ديسمبر 2020 | 03:42 مساءً
سارة إبراهيم
2326
عمر كمال

بعد الخلاف الذي وقع بينه وبين حمو بيكا، طرح مطرب المهرجانات المصري عمر كمال برومو دويتو جديد يجمعه بالفنان الشعبي أحمد شيبة.

عمر كمال وأحمد شيبة ظهرا في الفيديو، الذي نشره كمال على حسابه الخاص على موقع "انستجرام"، وهما يقومان بتسجيل الأغنية داخل الاستوديو.

كمال أرفق المقطع، بتعليق قال فيه: "أحمد شيبه وعمر كمال.. والنبى معلش تعالو ف الوش لو كارهنى ، أحسن ما ضهرى الكل بيهرى ومش حابنى".

وكان مطرب المهرجانات حمو بيكا قد هاجم عمر كمال، ونشر صورة له تحمل علامة "x"، وعلق عليها عبر صفحته الشخصية بموقع التواصل الاجتماعي "فيسبوك":"ياريت محدش يكلمنى في شغل على الشخصية دى، عشان أنا كنت بحبها، والشخصية دى بتتهرب من شغلى اللى خلانى اتفق عليه، والإثبات بعد الصورة دى هنزل فيديو".

حمو بيكا

عمر كمال خرج عن صمته ليرد على هجوم حمو بيكا، وكشف تفاصيل الخلاف بينهما، قائلا: " اللي بيتكلم عليا ده أول ما بينزل القاهرة بيجي على شقتى وواكلين عيش وملح مع بعض، اللي حصل إن وأنا قاعد عند الحلاق بتاعي ومعايا حمو فوجئت إنه جايب واحد صاحب سنتر بتاع فساتين وعايزنا نعمله إعلان من غير ما ياخد إذنى، وأنا اتحرجت أرفض قدام الراجل، بس أنا مش عايز اعمل مهرجان لبوتيك فساتين أفراح، أنا عايز اعمل فن كويس زى بنت الجيران وعود البطل وكل مهرجاناتى، وحتى بعد الاتفاق ولا سألنى تاخد كام، على عكس ما بعمل معاه في أى فرح حد بيطلبه فيه".