بعد انتقادات صورته مع الشيخ مبروك عطية.. عمر كمال: بطلت أصلي في المسجد بسبب الناس
عبر مطرب المهرجانات عمر كمال عن استيائه الشديد من الانتقادات التي تعرض لها بسبب صورته مع الشيخ مبروك عطية.
عمر كمال كتب، على حسابه الخاص على موقع "الفيس بوك": "اتصورت صورة وأتشرفت بده مع فضيلة الشيخ مبروك عطية في لقاء هيتذاع معاه في رمضان إن شاء الله وحلقة كلها خير وكلام محترم".
وأضاف: "كلام الناس وتعليقاتهم حسستني أنه متصور مع يهودى أو كافر أو مرتد أو إنسان لامؤاخدة نجس وهيدنس الشيخ!! وكومنتات ازاى ده يتصور مع ده!! مع أنى مش وحش للدرجة ديه".
واختتم كلامه، بقوله: "زى بالظبط ما خلونى أبطل أفكر أصلى في المسجد أول ما أخش بحس أنى إنسان منبوذ والناس بتبصلى بصة غريبة لدرجة سمعت واحد بيقول للتانى اقف جمبه انت لأحسن ربنا ميتقبلشى منى صلاة!! ومش بقول إنى مقطع السجادة أنا زى أي إنسان بيقطع في الصلاة وبيرجع بس ساعات ببقى حابب ادخل المسجد وفعلا بطلت ده من الناس".