جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بالصور.. مصطفى حسني يوجه رسالة شكر لتامر حسني.. والأخير يرد

الاحد 11 ابريل 2021 | 02:46 مساءً
سارة إبراهيم
1466
مصطفى حسني وتامر حسني

وجه الداعية الإسلامي مصطفى حسني رسالة شكر للفنان المصري تامر حسني، بعد غنائه تتر برنامجه الجديد "الثمن"، والذي من المقرر عرضه في شهر رمضان القادم 2021.

مصطفى حسني نشر صورة جمعته بالفنان تامر حسني، على حسابه الخاص على موقع "الفيس بوك"، وعلق عليها كاتبا: "قال رسول الله ﷺ: "من لم يشكر الناس لم يشكر الله".

وأضاف: "وأنا حابب أشكرك يا تامر يا صاحبي على أغنية تتر برنامج "الثمن".. صوتك العذب وأداءك الصادق.. نعمة كبيرة عليك من ربنا".

وتابع: "واللي أثَّر فيَّ يا صاحبي الغالي تواضعك واهتمامك وإقبالك على التعاون علشان نقدم محتوى فيه قيمة مُضافة للعقول والقلوب والأرواح.. تِسلم وتعيش يا صديقي".

تامر حسني رد، قائلا: "يا مصطفى يا حبيبي انا اخدمك بعينيا وانا وصوتي تحت امرك في اي وقت.. أنا اللي بشكرك من كل قلبي عشان سمحتلي اكون جزء بسيط من الخير والعلم اللي بتعلمه للناس و لكل اولادنا".

وأكمل: "ربنا يقدرك و يستخدمك دايماً في توحيد الناس بمختلف افكارهم و كل سنه و كل يوم تكون سبب في هداية ناس اكتر، سلام كبير جداً لمتابعينك الكرام، واتمنى من كل متابعيني الكرام متابعة مصطفى في جميع الاحوال بيا او منغيري لإننا كلنا فعلاً محتاجين نفهم حجات كتير بيقدمها مصطفى بأجمل و أرقى شكل و طريقه".

وتابع: "ومصطفى خير من يتكلم في الإيجابيات اللي يفهمها و يحسها اي شخص و فعلاً بيصحح مفاهيم اغلبنا ممكن يكون فاهمها غلط ، و انا شخصياً من اشد محبين مصطفى و من اشد متابعينه في كل برامجه ،ربنا يقدرك يا أملنا الجميل.. و يعينك و يقويك بقدر مكانتك العظيمه في قلوبنا ، كل سنه و انتوا طيبيين و رمضان كريم على الجميع".