جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

تامر فرج يشيد بتامر محسن مخرج مسلسل "لعبة نيوتن"

الاحد 02 مايو 2021 | 03:13 مساءً
سارة إبراهيم
995
تامر فرج

أشاد الفنان المصري تامر فرج بالمخرج تامر محسن، مخرج مسلسل "لعبة نيوتن" بطولة النجمة منى زكي.

تامر فرج كتب، على حسابه الخاص على موقع "الفيس بوك": "الحمدلله مبسوط جدا ان السنه دى اكتشفنا ان عندنا فنانين كتير فى حته تانيه لكن الاحلى ان يبقى عندنا فنان ياخد العمل بتاعه ويخليه فى حته تانيه.. و ده اللى أصبح متميز بيه المخرج الفنان Tamer Mohsen ".

وأضاف: "يعنى لاحظوا معايا كده لو جالك فكره او ورق عن زوج عايش مع زوجته فى ملل والسواق بتاعهم بيخترق الموبايل بتاعهم و بيراقبهم...زى مسلسل هذا المساء.. او زوج و زوجه بيتفقوا انها تبقى حامل و تروح تولد فى امريكا وبتواجه صعوبات هناك .. زى مسلسل لعبة نيوتن.. افكار على الورق هتعتبرهم افكار عاديه جدا مافيهاش حاجه تشد .. ويمكن اى مخرج ما يتحمسش انه يعملهم او ممكن يعملهم ويطلعوا مسلسلات عاديه جدا تبطل تتفرج عليهم من الحلقه التالته".

وتابع: "انما مع تامر محسن... شغله على الورق ثم شغله فى اخراج الورق بيودى العمل ده فى حته تانيه.. ويصبح عمل شيق يشدك معاه ويخليك قاعد بتنهج مع منى ذكى وبتتوتر مع تايسون وبتتفاعل مع فراج .. ومش عارف تحب ولا تكره سيد رجب!!! ده غير انك استحاله تلاقى كليشيه البطل الطيب اللى تحبه و البطل الشرير اللى تكرهه .. لأن تامر محسن بيخليهم كلهم بنى ادمين فيهم الخير والشر... وده اللى بيخليك قريب من كل الأبطال وحاسس بيهم... و ده غير تسكين الأبطال اللى صعب تلاقى واحد فيهم مش فى مكانه.. بل وبتلاقى ممثلين بيطلع منهم حاجات اول مره تشوفها و بتشوفهم .. فى حته تانيه!!!".

واختتم كلامه، بقوله: "شابوه تامر محسن و منى ذكى و تايسون و سيد رجب و محمد فراج و كل ممثلى مسلسل #لعبة_نيوتن اللى اعتقد انه المفروض يتسمى ... لعبة تامر محسن... شابوووه إلى أن تخلص الشابوهات".