بالصور.. تامر حسني يكشف تفاصيل فيلمه الجديد "بحبك" مع هنا الزاهد

نشر الفنان المصري تامر حسني مجموعة صور جمعته بالفنان هنا الزاهد وعدد من الفنانين، من كواليس فيلمهم الجديد، والذي يحمل اسم "بحبك".

تامر حسني علق على الصور، التي نشرها على حسابه الخاص على موقع "انستجرام": "مساء الهنا على اغلى ناس على قلبي انا.. دي صور من اول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثي للرجل في احداث فعلاً محيره جداً".

وأضاف: "الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم والمستقبل الجميله هنا الزاهد و مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم و مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله 😂و للأسف لسه مصورش علشان انزل صوره بس في اول يوم تصوير له ههريه صور".

وتابع: "و انتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله ، و فرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي".